MESTU HAMFARIR ÍSLANDSÖGUNNAR!!

MY ASS!!

 Algjörlega óþolandi umræða fólks um að þetta (fall bankanna og tengd málefni) séu mestu hamfarir frá upphafi Íslandsbyggðar þá held ég að þolendur Svarta dauða, Móðuharðindanna og Spænsku veikinnar séu ekki alveg sammála en í þessum þremur "atburðum" létust þriðjungur þjóðarinnar hverju sinni. Að auki sendu Danir okkur maðkað mjöl um nokkurra alda skeið, þjóðin bjó í míglekum óeinangruðum bröggum í rúman áratug og á þriðja og fjórða áratug síðustu aldar var hér skelfilegt atvinnuleysi og vöruþurrð. Í dag eru hvað um 2,9% vinnuaflans án atvinnu, allar verslanir fullar af vörum, auðvitað hefur vöruverð hækkað en við höfum kerfi sem hjálpar þeim sem eru í sárastri neyð. Ég hugsa að ansi margar kynslóðir horfinna Íslendinga hefðu gert margt til að komast í þau spor sem við erum í í dag.

 Þannig að þegar næsti aðili heldur því fram að þetta séu mestu hamfarir síðan Nói var og hét þá mun ég persónulega senda viðkomandi illa lyktandi afurðir hundsins míns í pósti.

 Kv.

S.

Enn sýna moggabloggarar hvað þeir eru heimskir

Að lesa bloggin hér við þessa frétt er stórkostleg sýning á heimsku fólks. Það að framsóknarflokkurinn sé að leggja fram þetta frumvarp er semsagt glórulaust vegna þess að á liðnum árum hefur flokkurinn tekið sjálfur þátt í því að ráða eftir pólitískum línum.

Auðvitað hefur hann gert það, það er enginn að reyna að fela það, það er enginn að reyna að sýna fram á að svo sé ekki. Er það semsagt þannig að þeir flokkar sem á einhverjum tímapunkti eða tímabili framkvæmt einhvern gjörning geta ekki snúið við blaðinu? Er það ekki svo að öllu okkar samfélagi hefur verið snúið á hvolf og núna er verið að reyna að stokka upp og koma okkar á réttan kjöl? Er það ekki hið allra besta mál að flokkar sjái að sér og leggi til breytingar. Mér finnst það allavega hið besta mál.

 Þetta frumvarp er hið besta mál og ég get ekki ímyndað mér annað en að allir flokkar styðji það og komi  því nokkuð hratt í gegnum þingið.

Ég legg svo til að þeir sem ekkert geta sagt jákvætt og njóta sín best í niðurrifi grjóthaldi kjafti næstu árhundruðin. Við þurfum jákvæðni, við þurfum samstöðu, við þurfum hvort annað, sama hvort við erum framsóknarmenn, vinstri grænir eða hvað þá annað.

 Áfram við, áfram Ísland!

 Snæþór S. Halldórsson

Faglegan Seðlabanka

Landsleikurinn - einkunnir

Daginn

 Ég ætla að hlaupa snöggt yfir leikinn í gær og meta leikmenn eftir mínu eigin höfði. Tek það fram að ég var auðvitað á leiknum og horfði á þetta rugl úr M hólfi, röð N, sæti 4. Einkunnagjöfin er frá 1-10 þar sem 1 er lægstur.

 

Kjartan markvörður - Ég er viss um að Kjartan er fínn strákur meir að segja þó hann sé Valsari. Hann er hinsvegar ekki markvöður í landsliðsklassa, komm on, hann datt tvisvar með boltann... óáreittur. Maður fær þvílíka magnið af hlandi fyrir hjartað í hvert sinn sem boltinn nálgast hann og þetta er svo slæmt að aðrir leikmenn í liðinu veigra sér við að senda boltann aftur á hann.... Einkunn - 2,8 (hann varði jú vítaspyrnu...um stundarsakir)

Bjarni bakvörður - Byrjaði leikinn virkilega vel og linkaði afar vel með Emil upp vinstri kantinn. Eftir þrítugustu mínútu var hinsvegar allur vindur úr honum og hann fór að hlaupa á hraða Mihajlo Bibercic, það kann ekki góðri lukku að stýra og Skotarnir áttu greiða leið framhjá honum fram að hálfleik þegar honum var skipt útaf..... Einkunn - 5,9

Grétar bakvörður - Átti ágætis leik fyrir utan að hann bakkaði allt of mikið frá kantmanni skotanna sem var ef ég man rétt Kris Commons, ekki alveg þekktasti maðurinn í boltanum, fór frá Stoke til Notthingham Forest sökum offitu og er nú já fall sérfræðingunum í Derby. En já, Grétar var ekki að meika það til baka og eiginlega heldur ekki fram á við. Í seinni hálfleik þegar við vorum manni fleiri var hann aftur og aftur í frábærri stöðu til að fá boltann frá eskfirðingnum Stebba en Stebbi sá hann ekki og Grétar því ekkert nema tilgangslaust props á kantinum. Grétar er samt góður drengur og getur miklu betur..... Einkunn - 6,2

Kristján miðvörður - Skítur og kanill.... hann er Akureyringur ef ég man rétt og lakari útgáfan af bróður sínum...já og svo spilaði hann með KR hér um árið, vond blanda. Hann er búinn að gera góða hluti hjá Brann en kommon!! Hvað var málið með þessa tæklingu? Kristján fær engan afslátt þó hann tali norsku og fær því..... Einkunn - 2,7

 Hemmi miðvörður - Hemmi er sterkur strákur sem ég myndi alls ekki að myndi berja mig. Ég ætla þess vegna að segja að hann hafi átt ágætan leik og spilaði með hjartað á réttum stað..... Einkunn - 7,6

Emil útherji - Emil hefur alltaf verið svona on / off leikmaður með landsliðinu. Hann á gríðarlega góða spretti inn á milli og notar líkamsstyrkinn vel til að bæta upp fyrir hraðaleysið. Nokkrir góðir sprettir, sérstaklega framan af fyrri hálfleik en nánast alveg týndur í seinni hálfleik. Það sem hann er að klikka á stundum er að flækja hlutina. Við erum með stráka sem geta alveg spilað boltanum....ef þeir fá boltann, koma svo Emil, losa boltann og fá hann svo aftur..... Einkunn - 6,2

 Birkir útherji - Þetta er einn mest spennandi nýji leikmaðurinn. Mikill hraði, áræðinn og til í allt. Lenti í vandræðum í seinni hálfleik en hristi svo gríðar vel upp í sóknarleiknum þegar hann var færður fram. Ég var mjög hissa þegar hann var tekinn útaf því hann var að gera góða hluti frammi.... Einkunn - 7,6

Stebbi innherji - Hann er frá Eskifirði og ég verð því að fara um hann vægum höndum. EEEnnnnnn...... hann var svolítið eins og krabbi í þessum leik, sendingar flestar til hliðana og afturábak en ekki fram á við. Hvað var svo málið með síðustu 10 mínúturnar, honum bara tókst ekki að átta sig á því að við þurftum að koma boltanum inn á hættusvæði.... já hættusvæði skotana ekki til baka á Kjartan í markinu okkar.... Einkunn - 3,4

Aron innherji - Góður leikur, algjörlega óhræddur við Skotana og reyndi, reyndi og reyndi. Maður getur ekki farið fram á meira frá strák á þessum aldri. Stoltur af þér drengur og haltu áfram á þessari leið... Einkunn - 8,2

Eiður framherji - Pfffffffffffffffffffff, mogginn sagði að hann hefði verið duglegur í leiknum... duglegur við hvað? Svekkja sig? Pirra sig? Við gerum miklar kröfur til Eiðs Smára, hann er okkar tekniskasti leikmaður en hann verður að leggja aðeins meira á sig, það líta allir upp til hans. Sennilega er hann bara ekki í leikformi enda hefur hann ekki sparkað í bolta í 90 mínútur í hálfan áratug...ja svona ca. Engin hætta skapaðist í kringum hann í þessum leik og hann setti allt skipulag íslenska liðsins úr skorðum með því að vera stöðugt í seinni hálfleik að sækja boltann aftur í öftustu línu... Einkunn - 4,74

Heiðar framherji - Duglegur, skallar eins og berserkur, hleypur eins og tittlingur, skítur eins og asni. Hef ekkert meir að segja, hann er bara ekki í formi til að spila landsleik!.... Einkunn - 3,1

 Nenni ekki að tala um varamennina.

Já, fólk hefur verið að gagnrýna dómarann, ég segi, það var ekkert af þessum dómara. Ekki man ég eftir atviki þar sem hann skeit upp á bak, við höfum svo sannarlega séð mun verri dómara og ef eitthvað er þá var hann okkur hagstæðari en Skotunum..... Einkunn - 8,4  (svona í alvöru, bendið mér á 3 atvik þar sem hann skeit í deigið)

 Svo tökum við MakeDónana!

 Kv.

S.

STÓRFRÉTTIR!! Ég er genginn í flokkinn á ný!

Kæru vinir, lesendur og óvildarmenn.

 Fyrir nokkrum mánuðum tók ég þá afar erfiðu ákvörðun að segja mig úr Framsóknarflokknum vegna þeirra eilífu hnífstunguárása sem þar áttu sér stað, þeirra illvigu og hörðu innanbúðar deilna sem skiluðu sér yfirleitt í fjölmiðla og fleiri þátta.

 Ég hef nú hinsvegar haft samband við skrifstofu flokksins og gengið í hann á nýjan leik þar sem ég get bara ekki setið lengur fyrir utan þetta félag sem ég gekk í um 17 ára gamall.

 Það er gott að vera kominn aftur.

 Kv.

Snæþór

Marsibil... hvað er málið?

Kvöldið

 Við hérna í Kaupfélaginu erum búin að vera að velta þessu fyrir okkur með hana Marsibil. Nú er hún hætt í flokknum og situr sem óháður varaborgarfulltrúi (hversu fáránlega sem það kann að hljóma), reyndar hafa þau Dagur setið á kaffihúsum til að ræða það hvernig hún komist inn í Samfylkinguna með góðu móti. Ég er búinn að lesa yfirlýsinguna frá henni þar sem hún segist ekki styðja þennan meirihluta S+B útgáfa 2 en í yfirlýsingunni kemur í raun hvergi fram hvers vegna það sé. Nú er það þannig að málefnasamningur nýja meirihlutans er sá sami og var þegar Björn Ingi var og hét og þá fannst Marsibil allt í lagi að sitja sem vara-vara borgarfulltrúi og þá án efa í nokkrum nefndum og ráðum borgarinnar og vinna að þeim samningi. Þess ber að geta að sá meirihluti náði ótrúlega góðum árangri þegar kemur að því að standa við loforðin góðu.

Þess vegna spyr ég og þrái að fá að vita.... hvað hefur breyst? Eða gæti kannski hugsast að fyrrverandi starfsmaður og félagsmaður flokksins hafi stýrt Marsibil út í þessa vitleysu? Það væri þá ekki eina vitleysan sem sá aðili hefur gert á ævinni og ferlinum.

 Kv.

 Kaupfélagsstjórinn

Sakozy..Sarkozy..Sarkozsy...

Kommon mbl.is, takið nú til og reynið að sýna metnað. Ömurlegt að horfa upp á þetta dag eftir dag eftir dag. Ég trúi ekki að það liggi svona oboðslega mikið á.  Já og svo stendur þarna staðfeRsta. Mig langar að gráta mig í svefn út af þessu drasl vefriti.

Sarkozy á Ólympíuleikana

Algjört óþarfa nöldur

...í undirrituðum. En 5/11 er 45,45 sem þýðir að örvfættir leikmenn FH eru um 45% en ekki 46%.

Þetta var fullkomnlega óþarfa nöldur dagsins.

Fimm örvfættir í byrjunarliði FH

Steggjun..sem fór úr böndunum?

Neee, sennilega undirheimamál en mikið djöfulli hefur nú verið kalt í skottinu. Nema rukkararnir hafi lánað honum Millett úlpu.

Fastur í skotti bifreiðar við Miklubraut

Gott að sitja í vinnunni og lesa þetta

Já mikið er ég sáttur við að hafa farið í vinnuna kl. sjö í morgun.

 Mikið fjandi hef ég ekki nokkra einustu samúð með þessum aðgerðum. Auðvitað er bensínið dýrt en hvers vegna í andskotanum á ég að líða fyrir það eitthvað frekar en með því að borga það. Ég vil ekki sjá þessa hriðjuverkamenn vera tefjandi fólk á leið til vinnu, farið nú niður á austurvöll og flautið í 2-3 tíma, ég lofa því að það mun virka betur en þetta rugl.

Útlit fyrir miklar tafir

Nákvæmlega, ég geng út eftir 40% af annari hverri sýningu

Þannig að þetta passar fullkomnlega við mig.

 Neinei, ég hef nú bara tvisvar gengið út af leikriti, nokkrum sinnum reyndar langað til þess þar að auki. Sem dæmi....Carmen í borgarleikhúsinu...

 Ekkert meir um þetta að segja þar sem ég hef ekki áhuga á að fá lista akademíuna upp á móti mér.

 Kv.

 S.

Hver Íslendingur 1,4 sinnum í leikhús á ári