Kjósum Framsókn, X við B!

Framsóknarflokkurinn er eini flokkurinn sem býður upp á raunverulegar lausnir. Aðrir flokkar bjóða upp á lengingu á hengingarólinni. Framsókn boðar leiðir út úr vandanum og inn í bjartari framtíð.

 Sameinumst um að setja X við B.

Samfylkingin enn stærst

Velferðarbrúin yfir Kwai fljótið

Daginn

 Það datt inn um lúguna hjá mér pési frá Samfylkingunni í gær þar sem megin áherslan var lögð á nýjasta frasa þessa flokks, Velferðarbrúnna. Mér skylst að Samfylkingin eigi Íslandsmet í frösum og að sama skapi Íslandsmet í að standa ekki við frasana sína. Gott dæmi um það er hinn stórkostlegi frasi "umræðustjórnmál" sem tröllreið öllu hér fyrir ekki svo löngu...en virðist gleymt í dag.

 Velferðarbrúin byggir aðallega tvennu, í það minnsta eru tveir fyrstu punktarnir, tveir fyrstu brúarstólparnir þessir tveir sem ég ætla að fjalla um hér.

1. Hækkun vaxtabóta um 25%. Þessi ágæta hugmynd, sem er reyndar ekki enn komin í framkvæmd í þinginu vegna þeirrar pattstöðu sem þar, er mun geta skilað hjónum allt að 170.000 krónum hærri vaxtabótum en þau myndu ella fá. Þetta gera þá ca. 7.000 kr. á hvort þeirra á mánuði á ársbasis. Þetta er gott mál, ekkert stórfenglegt en gott mál engu að síður.

2. Útgreiðsla séreignarlífeyrissparnaðar er liður númer tvö. Fólki er þar leyft (þetta er reyndar komið í framkvæmd) að taka út eina milljón af sparnaðinum sínum sem greiðist út á 9 mánuðum. Hjón geta því tekið út 2 millur. Af þessum tveimur milljónum fara ca. 740 þúsund krónur í opinber gjöld. Að sama skapi munu þeir sem taka þetta út núna að sjálfsögðu ekki geta tekið þessa fjármuni út við 60/65 ára aldur og þar með skerðast lífsgæði þeirra á efri árum.

Nettó greiðsla ríkissjóðs er því 740þús. mínus 170þús. sem gera 570þúsund krónur. Þannig að um leið og ríkið er svo gott að gefa okkur 170þúsund kallinn þá taka þau af okkur 740þúsund. Nú er farið að hrikta í velferðarbrúnni.

Að auki við þetta verður að segjast að velferðarbrúin sé kannski helst til stutt. Útgreiðsla séreignalífeyrissparnaðarins er til 9 mánaða. Eftir þann tíma er hann uppurinn og verð ég að segja að Samfylkingin telur greinilega að kreppan verði annsi skammvinn. Að sama skapi virðist þessi blessaða velferðarbrú vera byggð, svolítið eins og brúin yfir Kwai fljótið, með vinnuafli og fjármagni þeirra sem taka munu út séreignalífeyrissparnaðinn sinn. Þegar japanir byggðu téða brú í seinni heimsstyrjöldinni þá fórnuðu þeir þúsundum mannslífa. Hér virðist samfylkingin vera að feta sömu leið, þ.e. að blessuð brúin, blessuð níu mánaða brúin yfir stóru gjánna virðist vera byggð fyrir fyrirframinnheimtar skatttekjur af séreignalífeyrissaparnaðinum okkar og þar sem hún er svo stutt þá nær hún ekki yfir gjánna og þar með, án nokkurs vafa, ekkert nema stökkpallur svo við getum tekið enn glæsilegri dýfu, lóðbeint, í gjaldþrot.

Allar aðrar hugmyndir í velferðarbrúnni snúa að heimilum sem eru farin í gjaldþrot þannig að fyrir mér snúast þær engan vegin um velferð heldur sjálfsögð mannréttindi. Auk þess eru þarna hugmyndir um lengingu lána og greiðslujöfnun sem hljóma voða vel í dag en munu hinsvegar skella á þeim sem nota þau úrræði af óhemju þunga innan fárra ára. Fyrir það fólk liggur velferðarbrúin til fyrirheitna lands samfylkingarinnar sem heitir á íslensku "land hins óyfirstíganlega skuldaklafa fram á elliár".

Ergo, fallegt orð, rétt fyrir kosningar, orð án ábyrgðar, án framsýni, orð til að halda samfylkingunni við kjötkatlana, orð án innihalds.

 Snæþór

Byggja þarf velferðarbrú

S og Vg slá TJALDBORG um heimilin!!

Já, samkvæmt nýjustu fréttum í kaupfélaginu þá var þetta víst allt tómur misskilningur í landanum í febrúar síðastliðnum. Ríkisstjórnin ætlaði víst að slá upp TJALDBORG fyrir heimilin og þá þær fjölskyldur sem missa munu sín heimili. Allt þetta dæmi með SKJALDBORGINA var semsagt tómur misskilningur en það slæma í þessu öllu er víst að tjaldborgin fauk í mars.

 Djö!

Yfir 1000 hafa sótt um greiðsluaðlögun

Meðvirkni opinberra stofnana

Kvöldið

 Það er með hreinum ólíkindum að Seðlabankinn skuli setja þetta dæmi upp með þessum hætti. Að Jóhanna skuli geta pantað sér þær skýrslur út úr Seðlabankanum sem henni langar í. Hvers vegna reiknaði bankinn ekki út hversu margir færu á húrrandi hausinn ef niðurfelling kæmi ekki til og svo í framhaldinu hvað það myndi kosta mikið? Það er búið að marg sýna fram á að þessi leið kostar okkur ekki svo mikið sem krónu þegar allt kemur til alls. Þ.e. að heildar ávinningurinn er svo margfalt meiri af þessari aðferð heldur en að láta allt fara í kaldakol.

Ég nenni engan veginn að fara út í allar útskýringarnar hér en svona til að fara yfir þær helstu þá eru þær ca. svona:

 - Búið eða verið er að afskrifa allt að 50% húsnæðisskulda við flutning þeirra frá gömlu bönkunum til þeirra nýju. Þar skapast svigrúm til að láta lántakendur njóta hluta þeirrar niðurfellingar og með því að minnka líkurnar á því að heimilin fari á höfuðið. Í þessu felst ekki kostnaður fyrir bankana eða ríkið, nei, í þessu felst fremur aukinn möguleiki á því að innheimta skuldirnar.

- Þeir aðilar sem ekki þurfa á niðurfellingunni að halda, en fá hana samt vegna þess að hér er um flatan niðurskurð að ræða munu verða samfélaginu gríðarlega mikilvægir því aukið svigrúm þeirra til að kaupa vöru og þjónustu munu hjálpa fyrirtækjum og þar með launþegum að standa betur að vígi gegn aðstæðunum.

Hvers vegna er seðlabankinn ekki að koma með lausnir? Hvers vegna er þessi dásemdar ríkisstjórn ekki að koma með lausnir? Hvernig vogar þetta fólk sér, Jóhanna og Steingrímur J, að halda því fram að þau séu að gera góða hluti? Hvernig stendur á því að þessi ríkisstjórn sem stofnað var til með því loforði að hún væri til þess að slá skjaldborg utan um heimilin stendur ekki við stóru orðin. Ef einhver reynir að kommenta við þessa færslu og halda því fram að ríkisstjórnin sé búin að gera eitthvað okkur í hag þá má sá hinn sami eiga sig. Að hvaða leiti hefur brottvikning Davíðs hjálpað okkur? Gengið er aftur byrjað að falla, stýrivextir lækkuðu um brot af því sem búist var við! Hvernig hefur það hjálpað heimilum í landinu að setja lög um greiðsluaðlögun? Jú, það hjálpar þeim sem eru orðnir gjaldþrota en ekki þeim eru ekki komnir alveg alla leið í þrot sem er gríðarlegur meirihluti, það er ekki skjaldborg um heimilin að hjálpa þeim sem eru orðnir gjaldþrota. Já og svo mun einhver segja að hækkun á vaxtabótum sé skjaldborgin margumrædda...já Ó NEI, hverjum munar það heimilin á ársbasis þó að vaxtabætur hækki úr 240þús upp í 380þús? Á 140þúsund kall að bjarga heimilunum? Já og ef þið eigið við að okkur hafi verið leyft að taka út milljónkall af viðbótarlífeyrissparniðum okkar....OKKAR þá er það ekki heldur þessi blessaða skjaldborg ríkisstjórnarinnar um heimilin, ó nei,  um 37% af milljóninni ganga jú beinustu leið til ríkissins í formi skatta og þá standa eftir einhverjar 630þúsund krónur...sem koma úr okkar vasa!

Ég fullyrði að þessi ríkisstjórn er einhver svikulasta ríkisstjórn sem sest hefur hér að völdum, þau vissu að þau hefðu 2-3 mánuði til að standa við stóru orðin...og þau sviku það!

 Þetta er orðinn langur pistill en ég bara verð að sýna fram á nokkur dæmi um það hvað þessari ríkisstjórn fannst mikilvægara en að slá skjaldborg um heimilin, hér eru nokkur þingmál sem hafa verið til umræðu í þinginu í stað þess að bjarga heimilunum: (ekki sett í neinni sérstakri röð)

Frumvarp vegna: 

Grunnskólar (samræmd könnunarpróf)

Náms- og starfsráðgjafar (heildarlög, EES-reglur)

Tóbaksvarnir (EES-reglur, varúðarmerking og auglýsingar)

Listamannalaun (heildarlög)

Rannsóknarstofnun um utanríkis- og öryggismál

Greiðslur til líffæragjafa

Lyfjalög (gildistaka greinar um smásölu)

Aðgerðir til að auka hlut kvenna í sveitarstjórnum

Áhafnir íslenskra fiskiskipa, varðskipa, skemmtibáta og annarra skipa

Aðgengi í gömlu íbúðarhúsnæði

Lög um náttúruvernd

Raforkulög

Breytingar á ýmsum lögum vegna færslu eftirlits vegna raforkuvirkja o.s.frv.

Grunnskólalög

Iðnaðarmálagjald

Lög um loftferðir

Uppbygging og rekstur fráveitna

Að auki við allt þetta fjandans rugl er á dagskrá að banna vændi, setja lög um að hér sé bannað að koma með kjarnorkuvop (sem n.b. eiga að taka gildi um sumarið 2010) og margt fleira.

Allt eru þetta hin ágætustu lagasetningar en COME ON!!! Standiði við stóru orðin!

 Kv.

Nett brjálaður!

Niðurfelling skulda óhagkvæm

Hvernig var þetta með heimlin?

Hvað er þetta eiginlega? Hvenær á að koma með mótaðar tillögur til varnar heimilunum? Það hefur ekkert komið fram frá ríkisstjórninni, nákvæmlega ekkert!

 Þetta frumvarp hjálpar fjölskyldum í neyð minna en ekkert og er í raun þessum fjölskyldum til frekari íþyngingar því að á meðan ræða ætti aðstoð þeim til handa mun þingið  vera að ræða þetta frumvarp. Já þetta frumvarp sem Georg Bjarnfreðason...afsakið, Steingrímur Joð, segir meir að segja sjálfur að muni ekki hafa neina merkingu núna en muni hugsanlega hafa eitthvað að segja í framtíðinni...!

TIL HVERS VAR TIL ÞESSA RÍKISSTJÓRNARSAMSTARFS STOFNAÐ!!??

Tekið á skattaparadísum

Árna Matt í Seðlabankann!

..djók

„Nú fer ég að líta í kringum mig“

Jóhanna lóðbeint á hausinn!

Hvurslags er þetta eiginlega Jóhanna? Hvern kostar þetta 500 milljarða?

Ef við lækkum íbúðarlán um 20% áður en við flytjum þau til íbúðarlánasjóðs þá hefur þetta hreint út sagt engin áhrif á íbúðarlánasjóð. Íbúðarlánasjóður kaupir lánin semsagt af bönkunum með 20% afslætti, þ.e. við bökkum með verðtrygginguna um rúmt eitt ár. Það ætti nú ekki að hafa stór áhrif á bankana þar sem að þær skuldir sem þeir hafa á bakinu vegna þessara íbúðarlána eru nú tæpast verðtryggð heldur einungis gengistryggð. Þar að auki má gera ráð fyrir eins og fram hefur komið að lánadrottnar bankanna eru farnir að afskrifa skuldir og ég held þeir yrðu nú bara fjári fegnir því ef bankarnir gætu borgað, út í hönd, 80% af lánunum.

Jóhanna, Steingrímur og kó... skoðið dæmið betur, sýnið skynsemi og hlustið á okkur framsóknarmenn :-D

Setur Íbúðalánasjóð á hausinn

Geir laug... enn og aftur [prófkjör íhaldsins]

Á borgarafundi í nóvember, nánar tiltekið í Háskólabíó fékk geir neðangreinda spurningu:

"Ert þú reiðubúinn Geir, að ganga fram með því fordæmi að hafa opið prófkjör í Sjálfstæðisflokknum fyrir næstu kosningar sem allur almenningur getur tekið þátt í ?"

Svar Geirs við þessari spurningu var stutt: "Já" 

 Geir, hvað klikkaði? Hvað varð til þess að þú stóðst ekki við þetta? Ég verð héðan í frá að kalla þig nýju nafni, því það vita það allir að Geir laug. Geirlaug vei þér.

 Yfir og út

Geirlaug

Snæþór

LÍN er drasl - Kreditkort eru málið!!

Þetta er svona ca. það sem fráfarandi formaður stjórnar LÍN hafði um þá ágætu lánastofnun hér um árið. Já hann spurði hvers vegna námsmenn  fengju sér ekki bara kreditkort, þau væru jú vaxtalaus lán....

 Hræddur um að það rymji núna ansi hátt í Kópavogsbassanum. Kaupfélagið hinsvegar gleðst af öllu hjarta.

Kv.

S

Vék stjórn LÍN frá

Traustur vinur kveður

Takk fyrir allt Magnús. Gríðarlega góður drengur hér á ferð.

 Tiltektin í Framsókn heldur áfram, nýtt upphaf.

 Kv.

S.

Magnús Stefánsson hættir í stjórnmálum