S og Vg slá TJALDBORG um heimilin!!

Já, samkvæmt nýjustu fréttum í kaupfélaginu þá var þetta víst allt tómur misskilningur í landanum í febrúar síðastliðnum. Ríkisstjórnin ætlaði víst að slá upp TJALDBORG fyrir heimilin og þá þær fjölskyldur sem missa munu sín heimili. Allt þetta dæmi með SKJALDBORGINA var semsagt tómur misskilningur en það slæma í þessu öllu er víst að tjaldborgin fauk í mars.

 Djö!


mbl.is Yfir 1000 hafa sótt um greiðsluaðlögun
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Reiknaðar vaxtabætur eru miklu hærri í ár en í fyrra. Og óbreyttar forsendur allar. Munar þar tugum þúsunda.

Mér skilst það hafi verið gerð breyting á þessu kerfi fyrir stuttu.

Eitt í einu - og bankahrunið er ekki stjórnarskráinni að kenna heldur íhaldi og framsókn sem gáfu mönnum frjálsar hendur.

Taka verður stjónlagaþingsmálið og önnur ómerkileg mál af dagskrá og snúa sér svo að því sem mikilvægt er.

Jón Óskarsson (IP-tala skráð) 5.4.2009 kl. 15:19

2 identicon

Sæll Snæþór

Varðandi 20% leiðina þá er ég henni verulega andsnúin.

Ég skil ekki hvernig nokkur maður getur haldið því fram að 20% niðurfelling leysi vandann! Það hefur komið fram við útreikninga SB að slík niðurfelling BARA fyrir heimilin kostar ríkissjóð um 285 milljarða. Og hvernig ætti svo að greiða það? Ætli það gæti ekki orðið aukin skattbyrði eða hreint "hrun" á velferðar og/eða þjónustugeira hins opinbera. Er það sanngjarnt gagnvart þeim sem skulda EKKI? Ég er t.d. námsmaður og á eftir að eignast börn... er það sanngjarnt ofan á allt annað að ávísa reikningnum á komandi kynslóðir?

Svo er vitað að slík niðurfelling dettur "dauð" hjá mörgum - sums staðar dugar hún ekki til og þá þarf sértæk úrræði. Annars staðar er hennar ekki þörf vegna þess að fólk var forsjált - eða hefur næga greiðslugetu. Þess vegna finnst mér að þurfi að ráðast að rót vandans - sértæku úrræðin strax og þá greiðsluaðlögunarleiðin ágæt.

Varðandi fyrirtæki þá held ég að 20% leiðin sé leynt og ljós knúin áfram af þeim fyrirtækjum sem mestra hagsmuna hafa að gæta... Hvað með ónefnt flutningafyrirtæki sem fór svo illa með rekstur sinn að það greiddi út hundruðir milljóna í "árangurstengda" bónusa - þrátt fyrir "lóðréttan" hallarekstur.

Heimilin þurfa ábyrg stjórnvöld sem byggja á raunsæjum og sanngjörnum leiðum til lengri tíma - ekki flýtileið sem sökkvir okkur enn dýpra í skuldafen til framtíðar. Það þarf að vera hægt að treysta því að fólk í erfiðleikum leiti til stofnanna til að fá aðlögun - næga framfærslu og byrði í samræmi við það.

Varðandi ríkisstjórnina þá má sjá fjölda mála á island.is sem hún hefur komið í verk.

Auðvitað er þetta bara mín skoðun - planið er alls ekki að traðka á skoðunum annarra.

Herdís Björk (IP-tala skráð) 5.4.2009 kl. 15:36

3 Smámynd: Snæþór Sigurbjörn Halldórsson

Hvers vegna geta ansi margir, eins og t.d. Herdís Björk, ekki skilið að ríkissjóður er ekki að fara borga eina einustu krónu vegna 20% leiðarinnar. Hvað þarf að segja það oft? Þetta er farið að nálgast að vera eins og einhver drepleiðinlegur farsi.

Greiðslujöfnunin gerir ekkert nema að reyna að hjálpa fólki sem er farið til fjandans fjárhagslega. Það sem við þurfum að gera er að reyna að koma í veg fyrir að fólk þufi greiðslujöfnunina. Við þurfum að vera proaktív en ekki reaktív. Þetta er ekki flókið.

Snæþór Sigurbjörn Halldórsson, 5.4.2009 kl. 15:44

4 identicon

Ef ég lána þér milljón og þú getur ekki borgað allt til baka og ríkisstjórnin segir að afskfrifa beri 20% af skuldinni.

Ég hlýt að gera kröfu á ríkisstjórn og alþingi svo ég fá það sem mér ber. 

Þannig hlýtur það að vera um aðra kröfuhafa .

Jón Óskarsson (IP-tala skráð) 5.4.2009 kl. 15:48

5 Smámynd: Snæþór Sigurbjörn Halldórsson

Nei, þannig er það einmitt ekki. Leiðin gengur út á það að samið verði við erlenda kröfuhafa.

Þessu var fljót svarað. Næsta spurning takk.

Snæþór Sigurbjörn Halldórsson, 5.4.2009 kl. 16:01

6 identicon

Af hverju ertu svona viss um að erlendir kröfuhafar fallist á þetta.

Og svo Íbúðalánasjóður og lífeyrissjóðirnir? 

Jón Óskarsson (IP-tala skráð) 5.4.2009 kl. 16:07

7 Smámynd: Snæþór Sigurbjörn Halldórsson

Fáum við ekki úr því skorið með því að reyna á það? Við náum varla árangri með því að sitja heima og reyna ekki.

Snæþór Sigurbjörn Halldórsson, 5.4.2009 kl. 17:20

8 identicon

Þetta er þá bara óskhyggja eftir allt saman.

Þið eruð þá ekki búnir að tala við neinn. 

Segið kjósendum að þetta sé allt einfalt mál og skothelt og í höfn. 

Þetta kallar maður bara loddaraskap

Jón Óskarsson (IP-tala skráð) 5.4.2009 kl. 17:40

9 Smámynd: Snæþór Sigurbjörn Halldórsson

Nei Jón, það sem þú segir hér er loddaraskapur. Þessar tillögur voru aldrei hugsaðar sem kosningamál en einhvernvegin tókst Samfylkingunni að gera úr þessu kosningamál.

Þetta var hluti af 18 tillögum til bjargar heimilum og fyrirtækjum sem framsókn lagði til að yrði strax gripið til (í byrjun mars). Það hefur enginn talað um að þetta sé í höfn en ávallt talað um að samningar verði að nást. Er það ekki svipað og hjá samfylkingunni sem vilja stökkva inn í ESB því þá verði allt gott, væntanlega eru þeir að gefa sér að vissir samningar náist.

Til þess að ná árangri og framþróun verðum við að tala saman, láta reyna á mögulegar lausnir mun frekar en að vera herra sir Jón Óskarsson sem líkt og aðrir Samfylkingarmenn hafa ekki lausnir en vilja ekki láta reyna á lausnir annara.

Snæþór Sigurbjörn Halldórsson, 5.4.2009 kl. 18:20

10 identicon

Málið er að ég skil þetta einmitt alveg eins og Jón. Þú velur að skilja þetta á einhvern þann hátt að þetta sé í höfn sýnist mér (en kannski er það misskilningur). Ég spyr: ert þú búin að skoða upplýsingar á kostnaði frá SB?

Og annað hitt, eruð þið enn að miða þetta bæði við heimili og fyrirtæki?

Annars ef menn mega hér kommenta á það sem þú skrifar þá finnst mér þú vera fáheyrt ómálefnalegur og dónalegur á skoðanir annarra. Ég skil þetta nefnilega ágætlega, þ.e. tillöguna, og horfði á myndbandið eins og þú lagðir til. Er samt enn sama sinnis og byggi það á mínu raunsæi rétt eins og þú byggir þínar skoðanir býst ég við.

Kveðja

Herdís (IP-tala skráð) 5.4.2009 kl. 18:48

11 Smámynd: Snæþór Sigurbjörn Halldórsson

Herdís, þú sýnir með þessari setningu hér:

Ég spyr: ert þú búin að skoða upplýsingar á kostnaði frá SB?

.að þú skilur þetta ekki. Því miður. Skiptir engu máli á hvern kostnaðurinn fellur? Ef kröfuhafar erlendir eru tilbúnir til þess að fara þessa leið (því í henni felst að líkur á að þeir innheimti stærra hlutfall krafna sinna eykst) ertu þá ekki til í þetta? Eða ertu bara ekki til í þetta vegna þess að skýrsla frá Seðlabankanum segir að þetta kosti pening og þar af leiði að skattgreiðendur hljóti að eiga að taka þann kostnað á sig.

 Ég bara hreinlega skil ekki hvernig hægt er að vera á móti leið sem gæti hjálpað þjóðinni stórkostlega í heild og kostnaðurinn falli ekki á Íslendinga. Í fullri alvöru, hvernig er hægt að vera á móti því að reyna að ná slíkum samningum?

Snæþór Sigurbjörn Halldórsson, 5.4.2009 kl. 20:11

12 identicon

Þetta myndband sem þið hafi sett á vefinn er víst ekki kosningamál ? Allavega fann ég þessa kosningaauglýsingu á ykkar vef en ekki kratanna.

Ef ekki þá er þetta ein allsherjar Barbabrella. 

Það eru tóm ef og ætli og kannski og hugsanlega í þessu hjá ykkur til að þið getið leyft ykkur að blekkja fólk svona. 

Og enn og aftur. Af hverju ættu kröfuhafar að gefa afslátt af eign sinni. Hver borgar ef Íbúðalánasjóð verður gert að lækka lán um 20%. Og myndu lífeyrisþegar sætta sig við að gefa af sínum lífeyri ef lífeyrissjóðunum yrði gert að lækka lán. 

Takið þessa blekkingarauglýsingu burt og hættið að vekja falsvonir hjá fólki.

Framsókn hefur hraunað upp á bak með átta ára setu í ríkisstjórn og ætti bara að skammast sín fyrir ástandið.

Jón Óskarsson (IP-tala skráð) 5.4.2009 kl. 21:25

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband